Skip to main content

Chefi Enkaregadu Badan Pusat Statistik Indonesia hasoru malu ho Presidente INETL-I.P hodi koalia klean liu ba Kooperasaun ba iha Futuru

Dili, 01 Agostu 2023–Sekretaris Prinsipál husi Badan Pusat Statistik (BPS) Indonesia Ir. Atgo Mardiyanto, M. Si ho Diretór Politeknik Statistik, Sekolah Tinggi Ilmu Statistik, Sra. Erni Tri Astuti, M. Math ho sira nia komitiva mai halo vizita kortejia hodi hasoru malu ho Vice Ministru das Finansas, S.E. Helder Lopes, Presidente INETL, Sr. Elias dos Santos Ferreira ho mós bolseira sira hamutuk nain-14 ne’ebé liu ona teste no hein deit atu aranka ba hala’o matrikula iha Sekolah Tinggi Ilmu Statistik (STIS) Indonesia. Komitiva BPS Indonesia hasoru malu ho Vice-Ministru iha salaun enkontru Ministério das Finansas no mós mai hasoru malu ho President INETL iha resintu INETL-I.P iha salaun Reha Konferensia, Cai-coli, Dili.

Presidente INETL, Sr. Ferreira hato’o agradesimentu ba Maromak nia laran luak tomak ohin halo ita hamutuk iha momentu ida diak ida ne’e, uluk nanain ha’u hakarak fó bem-vindu ba enkaregadu Chefi boot Badan Pusat Statistik Indonesia nuneé nia mós assume kargu núdar Sekretaris Prinsipál BPS nian, Sr/Bapak Atgo Mardiyanto, M. Si, ho Diretora Politeknik Statistik STIS ka Sekolah Tinggi Ilmu Statistik Indonesia, Sra/Ibu Erni Tri Astuti, M. Math no nia komitiva sira. Iha fatin hanesan Presidente INETL-I.P, Sr. Elias informa ba komitiva katak, iha informasaun katak, BPS ho STIS nia vizita iha Timor-Leste ho nune’e Presidente konvida Diretores Munisipais nain-12 mai hodi rona esperensia ruma husi Chefi enkaregadu BPS ho Diretora STIS kona-ba Prefil BPS nian no STIS nian.

Presidente INETL mos louva tebes ba BPS liu-liu ba STIS ne’ebé eduka tiha ona Timor Oan nain-24 nebe util tebes ba Statistik Timor-Leste, graduadu husi STIS ne’e serbisu dedikasu tebes no hakarak informa katak, sira balun ba foti ona Masteradu iha Austalia, iha Koreia no iha Amerika. Sira nain rua nebe ba foti Masteradu iha Australia agora dadun serbisu hodi tulun nafatin INETL no sira seluk sei iha prosesu kuliah nia laran”. Sr. Elias akresenta.

Iha Okaziaun ne’e Chefia enkaregadu BPS, Sr. Atgo Mardiyanto hateten nia agradese wain tebes ba Presidente INETL, dirijentes no funsionários tomak INETL ne’ebé simu ami nia komitiva ho ksolok no kontenti nia laran, ami sente hanesan iha ami nia família nia uma laran rasik. Sr. Mardiyanto haktuir mos katak, sira mai atu vizita traballu iha Denpasar, maibé ikus mai sira foti desizaun atu vizita uluk lai Dili hodi koalia assuntus importante balun ho Ministru Finansas no Vice Ministru Finansas konaba bolseira Timor Oan nebe passa ka liu tiha ona teste tama Politeknik STIS Indonesia no iha mós hanoin atu partilha ka hafahe informasaun importante balun kona-bá perfil BPS no STIS nian ba INETL-I.P.

Chefi enkaregadu ne’e mos husu ba Presidente INETL, Sr. Elias atu nuneé ba future bele haruka funsionário INETL bele tuir treinamentu iha BPS Indonesia. Nia aumenta tan katak, BPS nian Statistik kurikulum hanesan mos nasaun seluk nian, no nia akresenta mos katak, Timor oan intende lian Indonesia lais no komprende lais no wainhira tuir treinamentu ka workshop ruma iha Indonesia ne’e diak liu tan ba funsionário.

Ami-nia Parseiru sira