Mudansa Persentajen Índise Presu Konsumedór Fulan-Maiu, 2023

Published On : June 15, 2023 292 Views

Mudansa persentajen Índise Presu Konsumedór (IPK) Grupu Hotu mensál sa’e (+0.3%) ba fulan-Maio, 2023, kompara ba fulan-Abril, 2023 tun (-0.2%). Mudansa presu grupu hotu (+0.3%) tanbá hetan kontribuisaun husi grupu Alkohol no Tabako (+3.2%), Hahan no Bebidas La’os Alkoholika (+0.2%). Grupu Transporte (-0.6%), Ekipamentu no Manutensaun Mobilariu Uma Laran (-0.9%), no Hatais no Sepatu (-0.1%) sai hanesan mudansa kontrariu ba inflasaun grupu hotu. Grupu Hahan no Bebidas Laos Alkoholika sa’e (+0.2%) tamba hetan impaktu maioria husi sub grupu Foos (+0.7%), Masin Midar, Marmelada, Banibeen, Cokolate no Hahan Midar (+1.5%), Susubeen, Keiju no Manutolun (+0.6%), no Ai-fuan (+1.0%). Mina no Bokur (-0.7%), Modo Tahan (-0.3%), no Ikan no Hahan Tasi (-0.4%) sai hanesan mudansa kontrariu ba inflasaun grupu hahan no bebidas laos alkoholika.

Mudansa persentajen IPK anuál sa’e (+7.1%) kompara entre fulan-maio, tinan-2023 ho fulan-maio, tinan-2022, hetan kontribuisaun husi grupo Hahán no Bebidas la’ós Alkólika (+7.7%), Alkohol no Tabako (+34.9%), Uma (+0.4%), Edukasaun (+7.0%), Komunikasaun (+0.8%), no Hatais no Sepatu (+1.6%) ba anuál Maio 2023. Grupu Transporte (-2.7%), Rekreasaun no Kultura (-1.1%) no Ekipamentu no Manutensaun Mobilariu Uma Laran (-2.7%) sai hanesan mudansa kontrariu ba inflasaun grupu hotu ba anual Maio 2023.

Inflasaun Tradeable sa’e (+0.5%) no Non-Tradeable mos sa’e (+0.1%) iha mensál.

kompara entre fulan-maio, tinan-2023 ho fulan-abril, tinan-2023.

Inflasaun Tradeable sa’e (+8.8%) no Non-Tradeable mos sa’e (+2.8%) iha anuál.

kompara entre fulan-maio, tinan-2023 ho fulan-maio, tinan-2022.