Indise Presu Konsumedór Juñu 2026
Mudansa persentajen Índise Presu Konsumedór (IPK) grupu hotu mensál sa’e (+0.2%) ba fulan-Juñu, 2026, kompara ba fulan-Maiu, 2026 sa’e mós (+0.2%). Mudansa presu grupu hotu (+0.2%) tanbá hetan kontribuisaun husi grupu Hahan no Bebidas La’os Alkoholika (+0.3%), Komunikasaun (+0.4%) no Transporte (+0.1%). Grupu Ekipamentu no Manutensaun Mobilariu Uma Laran (-0.4%), Hatais no Sapatu (-0.3%) no Alkohol no Tabako (-0.1%) sai hanesan mudansa kontrariu ba inflasaun mensál grupu hotu. Grupu Hahan no Bebidas Laos Alkoholika sa’e (+0.3%) tanbá hetan impaktu maioria husi sub-grupu Mina no Bokur (+2.5%), Modo Tahan (+0.5%), Foos (+0.2%), Masin Midar, Marmelada, Banibeen, Cokolate no Hahan Midar (+0.3%), no Ai-fuan (+0.6%). Sub- grupu Kafe, Xa no Kokoa (-2.0%), Susu-been, Keiju no Manutolun (-1.0%) no Naan (-0.1%) sai hanesan mudansa kontrariu ba inflasaun grupu hahan no bebidas la’os alkoholika ba Juñu 2026.
Mudansa persentajen IPK anuál sa’e (+0.5%) kompara entre fulan-Juñu, tinan-2026 ho fulan-Juñu, tinan-2025, hetan kontribuisaun husi grupu Hahan no Bebidas La’os Alkoholika (+0.8%), Transporte (+7.0%), Edukasaun (+0.3%), Uma (+0.5%) no Komunikasaun (+0.1%) ba anuál Juñu 2026. Grupu Alkohol no Tabako (-2.8%), Ekipamentu no Manutensaun Mobilariu Uma Laran (-1.6%), Rekreasaun no Kultura (-0.6%) no Hatais no Sapatu (-0.2%) sai hanesan mudansa kontrariu ba inflasaun grupu hotu ba anuál Juñu 2026.
Inflasaun Tradeable sa’e (+0.2%) no Non-Tradeable laiha mudansa (0.0%) iha mensál.
kompara entre fulan- Juñu, tinan-2026 ho fulan-Maiu, tinan-2026.
Inflasaun Tradeable sa’e (+0.2%) no Non-Tradeable mós sa’e (+1.0%) iha anuál. kompara entre fulan-Juñu, tinan-2026 ho fulan-Juñu, tinan-2025.
