Governu Timor-Leste ho UNFPA oficialmente lansa relatório Situasaun Populasaun Mundiál, antes divulgasaun ba dahuluk resultado dijitalizasaun kona-bá sensu populasaun no umakain 2022

Díli, 24 abril 2023 – Governu Timor-Leste hamutuk ho UNFPA ohin lansa relatório global Situasaun Populasaun Mundiál 2023 no eventu ne’e hala’o iha Institutu Nasionál Estatístika Timor-Leste (INETL, I.P.) salaun konferensia iha Caicoli Dili, antiga Diresaun Jerál de Estatística, antes divulgasaun ba dahuluk rezultadu dijitalizasaun kona-bá sensu populasaun no umakain no nia detaillu sei fó sai iha fulan Maiu 2023.

Dadus hatudu ho laran susar boot populasaun jeneralizados no governu iha adopta politika ho objetivu hasa’e ka aumenta, hamenus ka mantein taxa fertilidade. Maibé esforsu atu influensa taxa fertilidade dala barak la efetivu no bele hamihis direito feto sira nian, bazea ba UNFPA nia Relatório Situasaun Populasaun Mundiál.

“Reprodusaun umana laos problema ka solusaun. Wainhira ita koloka igualidade no direitos jeneru hanesan sentru ka fuan ita nian husi politika populasaun. Ita sai forsa, forsa liu tan no kapas hodi lidera no prontu hasoru dejafius resultado populasaun ne’ebé mudah ho lalais tebes.” Sublina husi Diretora Exekutivo UNFPA, Dra. Natalia Kanem, durante lansamentu relatório global nee rasik iha loron 19 fulan abril.

Relatóriu istoriku UNFPA “Ema moris Billaun 8, ho possibilidade ne’ebé laiha rohan: kazu ba direitos no opsaun”ba ema hotu” bolu no husu avaliasaun fila fali radikal konaba númeru populasaun iha enkuadramentu – enkorajandu politikus no media atu abandona narasaun ne’ebé ezajirado konaba nakfera (booms) no hamihis populasaun no hanesan altenativa foka liu ba direitos no opsaun ba sidadaun hotu-hotu.

Timor-Leste, hanesan populasaun ne’ebé sei joven iha Ásia, bele benefisia ba iha investimento dadus hanesan populasaun no sensu no capital umano para aproveita potencial populasaun hotu-hotu nian –inklui mós sira ne’ebé tradisionalmente marjinalizadu hanesan feto sira, joven, idosos no defisiensia sira.

“Iha lansamentu ba relatório Situasaun Populasaun Mundiál mai antes divulgasaun dahuluk rezultadu dijitalizasaun kona-bá sensu populasaun no umakain iha Timor-Leste ne’ebé sei fó apoiu implementasaun ba Plano Estratégiku Nasionál Dezenvolvimentu Timor-Leste ba tinan 2011-2030 no garantia ba iha necessidades sidadaun hotu-hotu nian no inklui mós planeamento ba dezenvolvimentu”, haklaken husi Sr. Elias dos Santos Ferreira, Presidente Interinu ba INETL, I.P.

Desde tinan 2004, UNFPA kontinua nafatin hatudu ninia tulun ka suporta assistensia tékniku ba Governu Timor-Leste liu husi Diresaun Jerál Estatístika (DGE) hodi implementa sensu.